Repasando vellas notas arquivadas polo seu interese pero que agardan o momento oportuno para ser consideradas atópome cunha vella separata dun artigo publicado, hai máis de setenta anos pero que resulta sumamente interesante. Unha adquisición nas librerías de vello que agora coa súa presenza na rede adquire unha estupenda accesibilidade para todos. Trátase dun traballo de investigación publicado na prestixiosa revista de “Dialectología y Tradiciones Populares”, fundada en 1945 e editada polo Departamento de Antropoloxía do Instituto de Lengua, Literatura y Antropología do hoxe denominado Centro de Ciencias Humanas y Sociales do Consejo Superior de Investigaciones Científicas (CSIC). Unha publicación que mudou de nome no ano 2019 polo de “Disparidades. Revista de Antropología”. No volume oitavo correspondente ao ano 1952 publicou o investigador tudense Manuel Fernández Costas (dende 1957, Manuel Fernández-Valdés Costas) un traballo titulado “Juegos infantiles en la comarca de Tuy”. ...
O Museo Reina Sofía de Madrid presenta actualmente unha ampla exposición retrospectiva sobre a pintora Maruja Mallo, que xa fora exhibida na Fundación Botín en Santander nos meses precedentes. Maruja Mallo é unha das artistas máis sobranceiras da arte contemporánea española do século XX. R etrato Maruja Mallo no seu estudio rodeada polas súas obras, 1936. Fotografía de Vicente Moreno Díaz (1894-1954). Archivo Moreno. Fototeca do Instituto del Patrimonio Cultural de España A raíz desta noticia un seguidor de Tudensia nos require a que documentemos a presenza de Maruja Mallo na nosa cidade, onde durante varios anos residen os seus pais e onde nacerá en 1905 o seu irmán Cristino Mallo, afamado escultor. Maruja e Cristino son dous fillos do matrimonio de Justo Gómez Mallo e María del Pilar González Lorenzo, que tiveron cinco fillos e nove fillas, das que unha delas morreu ao seis anos en 1923. Justo Gómez Mallo naceu en 1867, en Madrid, casando con María del Pilar González Lorenzo en...